3 ліпеня - Дзень Незалежнасці

Дата 3 ліпеня ўвайшла ў гісторыю Беларусі яркай старонкай гераічнай доблесці беларускага народа. У гэты дзень у 1944 годзе Мінск быў вызвалены ад нямецка-фашысцкіх захопнікаў.

Дзень Незалежнасці Беларусі сёння – гэта, перш за ўсё, дзень памяці ўсіх тых, хто на палях бітваў і ў тыле цаной жыцця змагаўся за свабоду і незалежнасць нашай Радзімы. Тых, хто ў пасляваенны час ўздымаў нашу дзяржаву з руін, будаваў заводы і фабрыкі, дамы, дзіцячыя сады і школы.

У гонар іх памяці 3 лiпеня па ўсёй краіне праводзяцца масавыя ўрачыстасці і гулянні.

Дзень Незалежнасці Рэспублікі Беларусь (Дзень Рэспублікі) – гэта ўвасабленне повязі пакаленняў і іх плённай працы, сімвал міру, росквіту і дабрабыту на нашай зямлі.

Са святам, паважаныя суайчыннікі!

З ДНЁМ НЕЗАЛЕЖНАСЦІ, ЛЮБІМАЯ і РОДНАЯ БЕЛАРУСЬ

Беларусь святкуе Незалежнасць,

Свят няма на свеце даражэй.

Любім мы краіну як належыць,

І свабоду нашу беражэм.

 Ураджаі ў полі выспяваюць,

Будзе з хлебам беларускі стол.

Працу тут шануюць і вітаюць,

Ведаюць аб гэтым навакол.